728x90 AdSpace


  • Latest News

    கர்நாடகா இடைத்தேர்தல்: 12 தொகுதிகளில் பாஜக முன்னிலை...!


    கர்நாடகாவில் 15 சட்டமன்ற தொகுதிகளில் நடந்து முடிந்த இடைத்தேர்தலுக்கான வாக்கு எண்ணிக்கை நடைபெற்று வருகிறது.
    கடந்த ஐந்தாம் தேதி நடைபெற்ற இடைத்தேர்தலில், தற்போது கர்நாடகாவில் ஆட்சியில் இருக்கும் பாஜக, அதை எதிர்த்து காங்கிரஸ், மதச்சார்பற்ற ஜனதா தளம் உள்ளிட்ட கட்சிகள் போட்டியிட்டன.
    இன்று (திங்கட்கிழமை) காலை தொடங்கி வாக்குகளை எண்ணும் பணி நடைபெற்று வருகிறது.
    சற்று முன்னர் கிடைத்த தகவல்படி, இடைத்தேர்தல் நடைபெற்றுள்ள 15 தொகுதிகளில் 12 இடங்களில் பாஜகவும், காங்கிரஸ் இரண்டு இடங்களிலும், சுயேட்சை வேட்பாளர் ஒரு தொகுதியிலும் முன்னிலை வகிக்கின்றனர்.
    "இடைத்தேர்தல் நடந்த 15 தொகுதிகளின் வாக்காளர்களின் கட்டளைக்கு நாங்கள் உடன்பட வேண்டும். துரோகிகளை மக்கள் ஏற்றுக்கொண்டனர்; நாங்கள் தோல்வியை ஏற்றுக்கொள்கிறோம்" என்று ஏ.என்.ஐ. முகமையிடம் பேசிய கர்நாடக மாநில காங்கிரஸ் தலைவர் சிவக்குமார் தெரிவித்துள்ளார்.

    ஆட்சியை தக்க வைக்குமா பாஜக?

    கடந்த ஜூலை மாதம் வரை கர்நாடகாவில் ஆட்சியில் இருந்த காங்கிரஸ் மற்றும் மதச்சார்பற்ற ஜனதா தளம் கூட்டணியை சேர்ந்த 15 சட்டமன்ற உறுப்பினர்கள் பதவி விலகினர். அதைத்தொடர்ந்து, பாஜக தலைமையிலான கூட்டணி ஆட்சியை அமைத்தது.
    இந்நிலையில், 15 சட்டமன்ற உறுப்பினர்களின் பதவி விலகலை தொடர்ந்து, அந்த தொகுதிகளுக்கு கடந்த டிசம்பர் 5ஆம் தேதி இடைத்தேர்தல் நடைபெற்றது.
    கர்நாடகத்தின் முதல்வராக பாஜகவை சேர்ந்த எடியூரப்பா உள்ள நிலையில், அந்த ஆட்சி தொடர்வதற்கு குறைந்தது ஏழு இடங்களில் வென்றாக வேண்டிய கட்டாயம் உள்ளது.
    • Blogger Comments
    • Facebook Comments
    Item Reviewed: கர்நாடகா இடைத்தேர்தல்: 12 தொகுதிகளில் பாஜக முன்னிலை...! Rating: 5 Reviewed By: STAR FM
    Scroll to Top