728x90 AdSpace


  • Latest News

    பல இடங்களில் மண்சரிவு - மக்களுக்கு சிவப்பு அபாய எச்சரிக்கை...!


    இலங்கையின் பல பகுதிகளில் கடும் மழையுடனான வானிலை நிலவி வருகின்ற நிலையில், மக்களின் இயல்பு வாழ்க்கை பெரிதும் பாதிக்கப்பட்டுள்ளது.
    இதையடுத்து, நாட்டின் பல பகுதிகளுக்கு சிவப்பு அபாய எச்சரிக்கையை வளிமண்டலவியல் திணைக்களம் இன்று (புதன்கிழமை) மாலை விடுத்தது.
    நாட்டின் வளிமண்டலத்தில் ஏற்பட்டுள்ள குழப்பகர நிலைமையினால், வடக்கு, கிழக்கு, வடமத்திய, ஊவா மற்றும் மத்திய மாகாணங்களில் கடும் மழையுடனான வானிலை நிலவி வருவதாக வளிமண்டலவியல் திணைக்களம் தெரிவிக்கின்றது.
    திருகோணமலை, மட்டக்களப்பு, அம்பாறை, முல்லைத்தீவு, நுவரெலியா, கண்டி, மாத்தளை, பதுளை மற்றும் மொனராகலை ஆகிய மாவட்டங்களில் 150 மில்லிமீற்றர் மழை வீழ்ச்சியும், அநுராதபுரம், பொலன்னறுவை, காலி, மாத்தறை, ஹம்பாந்தோட்டை, கேகாலை, இரத்தினபுரி, கம்பஹா, கொழும்பு, களுத்துறை, யாழ்ப்பாணம், மன்னார், கிளிநொச்சி மற்றும் வவுனியா ஆகிய மாவட்டங்களில் சுமார் 100 மில்லிமீற்றர் மழை வீழ்ச்சியும் பதிவாகும் எனத் திணைக்களம் வெளியிட்டுள்ள அறிக்கையில் குறிப்பிடப்பட்டுள்ளது.
    இடி, மின்னலுடனான மழை வீழ்ச்சி பதிவாகும் சந்தர்ப்பங்களில் காற்றின் வேகம் வெகுவாக அதிகரிக்கும் வாய்ப்பு காணப்படுவதாகவும் திணைக்களத்தின் அறிக்கையில் எதிர்வு கூறப்பட்டுள்ளது.

    மண்சரிவு அபாயம்

    பதுளை, கண்டி மற்றும் நுவரெலியா ஆகிய மூன்று மாவட்டங்களுக்கு மண்சரிவு அபாய எச்சரிக்கை விடுக்கப்பட்டுள்ளது.
    குறிப்பாகக் கண்டி - உடுதும்பர பகுதிக்கு இரண்டாம் நிலை மண்சரிவு அபாய எச்சரிக்கை விடுக்கப்பட்டுள்ளது.
    இலங்கை வெள்ளம்
    இவ்வாறு மண்சரிவு அபாய எச்சரிக்கை விடுக்கப்பட்டுள்ள நிலையில், பதுளை பகுதியில் இன்று மாலை பாரிய மண்சரிவொன்று ஏற்பட்டுள்ளது.
    பதுளை - பசறை பிரதான வீதியின் பத்தாம் கட்டை பகுதியில் ஏற்பட்ட பாரிய மண்சரிவு காரணமாகப் போக்குவரத்து நடவடிக்கைகள் முழுமையாகப் பாதிக்கப்பட்டுள்ளன.
    மேலும், குறித்த பகுதியில் தொடர்ந்து மண்சரிவு ஏற்படுவதற்கான அபாயம் நிலவி வருவதாக இடர் முகாமைத்துவ நிலையத்தின் பிரதிப் பணிப்பாளர் பிரதீப் கொடிபிலி பிபிசி தமிழுக்குத் தெரிவித்தார்.
    இலங்கை வெள்ளம்
    இதன்படி, பதுளை மாவட்டத்தில் பெய்துவரும் கடும் மழையுடனான வானிலையை அடுத்து, பதுளை - பசறை வீதி அபாயகரமான வீதி என அடையாளப்படுத்தப்பட்டுள்ளதாகவும் அவர் கூறினார்.
    இந்த நிலையில், பதுளை - பசறை வீதி மறு அறிவித்தல் வரை மூடப்பட்டுள்ளது.
    • Blogger Comments
    • Facebook Comments
    Item Reviewed: பல இடங்களில் மண்சரிவு - மக்களுக்கு சிவப்பு அபாய எச்சரிக்கை...! Rating: 5 Reviewed By: STAR FM
    Scroll to Top