வீழ்ச்சியடையும் தங்கத்தின் விலை...!

இந்த மாதத்தின் முதல் பகுதியுடன் ஒப்பிடுகையில் தற்போது தங்கத்தின் விலை குறைவடைந்துள்ளதாக செட்டியார்தெரு தங்க விற்பனையாளர்கள் தெரிவிக்கின்றனர்.

இதற்கமைய இந்த மாதத்தின் முதல் பகுதியில் 24கரட் தங்கம் ஒரு பவுண் ஒரு இலட்சத்து 81ஆயிரத்து 500ரூபாவுக்கு விற்பனை செய்யப்பட்டுள்ளது.

தற்போது 24கரட் தங்கம் ஒரு பவுண் ஒரு இலட்சத்து 73ஆயிரம் ரூபாவுக்கு விற்பனை செய்யப்படுகின்றது.

இதற்கமைய 27நாட்களுக்குள் 24கரட் தங்கம் 08ஆயிரத்து 500ரூபாவினால் குறைவடைந்துள்ளது.

இதேவேளை இந்த மாதத்தின் முதல் பகுதியில் 22கரட் தங்கம் ஒரு பவுண், ஒரு இலட்சத்து 66ஆயிரத்து 250ரூபாவுக்கு விற்பனை செய்யப்பட்டது.

தற்போது 22 கரட் தங்கம் ஒரு பவுண், ஒரு இலட்சத்து 58 ஆயிரத்து 500 ரூபாவுக்கு விற்பனை செய்யப்படுகின்றது. இதற்கமைய 22 கரட் தங்கம் ஒரு பவுண் 07ஆயிரத்து 750 ரூபாவால் குறைவடைந்துள்ளது. டொலருக்கு நிகரான இலங்கை ரூபாவின் பெறுமதி அதிகரித்தமையே தங்கத்தின் விலை குறைவடைந்தமைக்கு காரணமென செட்டியார் தெரு தங்க விற்பனையாளர்கள் தெரிவிக்கின்றனர். அத்துடன், இலங்கை ரூபாவின் பெறுமதி, மேலும் அதிகரிக்கும் பட்சத்தில் தங்கத்தின் விலை சடுதியாக குறைவடைய சாத்தியம் காணப்படுவதாகவும் செட்டியார் தெரு தங்க விற்பனையாளர்கள் தெரிவிக்கின்றனர்.