Trending

6/recent/ticker-posts

Header Ads Widget



ஹிஸ்புல்லா அமைப்பின் ஆயுதத் தொழிற்சாலை மீது இஸ்ரேல் தாக்குதல்...!

 


லெபனான் நாட்டில் பெகா பகுதியில் செயற்பட்டு வந்த ஹிஸ்புல்லா அமைப்பின் ஆயுதத்தொழிற்சாலை மீது இலக்கு வைத்து இஸ்ரேல் விமான படை நேற்றிரவு (31)வான்வழித் தாக்குதல் நடத்தியது.


ஹிஸ்புல்லா அமைப்பின் ஆயுத உற்பத்தி மற்றும் மேம்பாடு உள்ளிட்ட விடயங்களுக்காக பூமிக்கடியில் அமைக்கப்பட்டு இருந்த இராணுவ உட்கட்டமைப்பு மீது தாக்குதல்கள் நடத்தப்பட்டுள்ளன.


இதேபோன்று, ஆயுதங்களை கடத்தி வேறிடங்களுக்குக் கொண்டு செல்வதற்காக சிரியா-லெபனான் எல்லைப் பகுதியில் அமைக்கப்பட்டு இருந்த, ஹிஸ்புல்லா அமைப்பின் உட்கட்டமைப்பு மீதும் தாக்குதல்கள் நடத்தப்பட்டன.


இஸ்ரேலை நோக்கி ஹிஸ்புல்லா அமைப்பின் ஆளில்லா விமானம் ஒன்று தாக்குதல் நடத்த முற்பட்டு உள்ளது. எனினும், இதனை இஸ்ரேல் விமான படை வழிமறித்து முறியடித்தது என்று இஸ்ரேல் பாதுகாப்பு படை தெரிவித்து உள்ளது.


இதன் தொடர்ச்சியாகவே, இஸ்ரேல் தரப்பில் இருந்து தாக்குதல் நடத்தப்பட்டு உள்ளது என கூறப்படுகிறது.


எனினும், போர்நிறுத்த ஒப்பந்தம் அடிப்படையில், இஸ்ரேல் பணய கைதிகள் மற்றும் பலஸ்தீனிய கைதிகள் பரஸ்பரம் விடுவிக்கப்பட்டு வருகின்றனர் என்பதும் குறிப்பிடத்தக்கது.

Post a Comment

0 Comments