சீன மக்கள் அரசியல் ஆலோசனை மாநாட்டின் தேசியக் குழுவின் தலைவருடன் பிரதமர் சந்திப்பு...!

பிரதமர் கலாநிதி ஹரிணி அமரசூரிய, ஒக்டோபர் 13 ஆம் திகதி பீஜிங்கில் சீன மக்கள் அரசியல் ஆலோசனை மாநாட்டின் (CPPCC) தேசியக் குழுவின் தலைவர் வாங் ஹுனிங்கை (Wang Huning) சந்தித்து இருதரப்பு கலந்துரையாடல்களை மேற்கொண்டார்.

இலங்கை-சீன நட்புறவை வலுப்படுத்துதல் மற்றும் வர்த்தகம், முதலீடு, கல்வி, சுற்றுலா, கலாசாரம் மற்றும் மக்களுக்கிடையிலான தொடர்புகள் ஆகிய துறைகளில் ஒத்துழைப்பை வளர்ப்பது குறித்து இந்தக் கலந்துரையாடலின் போது கவனம் செலுத்தப்பட்டது.