அந்த அடிப்படையில் ஐக்கிய அமெரிக்கா வொஷிங்டனில் இலங்கைக்கான தூதுவராக முன்னாள் அமைச்சர் மஹிந்த சமரசிங்க செயற்படுவதோடு தூதரகத்தின் மூன்றாவது அதிகாரி தாரக திஸாநாயக்க ஆவார்.
தாரக, முன்னாள் பாராளுமன்ற உறுப்பினர் எஸ்.பி.திஸாநாயக்கவின் மகனாவார். அங்கு எழுத்தாளராக கடமையாற்றுபவர் முன்னாள் அமைச்சர் சுசில் பிரேமஜயந்தின் மகள் இந்திவரி குலரத்ன.
இதற்கு முன்னர் மேற்குறிப்பிட்ட தூதரகத்தில் முன்னாள் அமைச்சர் பந்துல குணவர்தனவின் மகன் விபுல கடமையாற்றியுள்ளார்.
அதே தூதரகத்தின் ஊடக அதிகாரி அசோக ஜயதுங்க முன்னாள் ஜனாதிபதி ரணில் விக்கிரமசிங்கவின் செய்தி தொடர்பாளராக கடமையாற்றியவர்.
அமெரிக்காவின் லொஸ் ஏன்ஜல்ஸ் கொன்சல் ஜெனரலாக கடமையாற்றுபவர் டாக்டர் லலித் சந்திரதாஸ.
இவர் முன்னாள் ஜனாதிபதிகளான மஹிந்த ராஜபக்ச மற்றும் கோட்டாபய ராஜபக்ச ஆகியோரின் மைத்துனர் ஆவார்.
அவுஸ்திரேலியாவின் கான்பராவின் உயர்ஸ்தானிகரான சித்ராங்கணி வாகீஸ்வர ஜனாதிபதி அலுவலகத்தில் சேவையாற்றி ஓய்வு பெற்றவராவார்.
அந்த அலுவலகத்தில் மூன்றாவது அதிகாரியாகப் பணிபுரிபவர் டி.சி.பெர்னாண்டோபுள்ளே முன்னாள் அமைச்சர் அருந்திக பெர்னாண்டோவின் மனைவியாவார். மெல்பெர்ன் கொன்சல் ஜெனரல் சந்தித் சமரசிங்க. இவர் முன்னாள் பாராளுமன்ற உறுப்பினர்.
ஜப்பான் டோக்கியோவில் இலங்கைக்கான தூதுவர் ரொட்னி பெரேரா. இவர் முன்னாள் ஜனாதிபதி ரணில் விக்கிரமசிங்கவுக்கு நெருக்கமான ரொனால்ட் பெரேராவின் சகோதரர் ஆவார். 2006ஆம் ஆண்டு முதல் இதே அலுவலகத்தில் எழுத்தளராக கடமையாற்றி வரும் இந்து குணரத்ன, முன்னாள் அமைச்சர் நிமல் சிறிபால டி சில்வாவின் உறவுக்கார மகளாவார்.
0 Comments