துபாயில் வெளிநாட்டவர்களுக்கு அரசு வேலை: தற்போதைய காலிப்பணியிடங்களின் முழு விபரம் உள்ளே…!

ஐக்கிய அரபு அமீரக அரசாங்கம் சுகாதாரம், தொழில்நுட்பம், உள்கட்டமைப்பு மற்றும் கல்வி ஆகிய துறைகளில் வேலைவாய்ப்புகளை விரிவுபடுத்துவதால், வெளிநாட்டுப் பணியாளர்கள் துபாய் மற்றும் ஐக்கிய அரபு அமீரகம் முழுவதும் அதிக அரசு வேலை வாய்ப்புகளை எதிர்பார்க்கலாம் எனக் கூறப்படுகிறது.

கூட்டாட்சி அளவிலான காலியிடங்கள் அதிகரிக்க உள்ளதாலும், பல துபாய் அரசு நிறுவனங்கள் திறமையான வெளிநாட்டினருக்கு வேலை வாய்ப்புகளை வழங்குவதாலும், அரசு வேலைகள் அதன் ஸ்திரத்தன்மை, போட்டித்தன்மை வாய்ந்த ஊதியம் மற்றும் வலுவான தொழில் வளர்ச்சி காரணமாக விண்ணப்பதாரர்களைத் தொடர்ந்து ஈர்த்து வருகின்றன.

திறன் மேம்பாடு மற்றும் வளர்ந்து வரும் தொழில்களில் செய்யப்படும் முதலீடுகளின் ஆதரவுடன், துபாய் முக்கியத் துறைகளில் ஆட்சேர்ப்பை விரைவுபடுத்துகிறது. ஐக்கிய அரபு அமீரக குடிமக்களுக்கு முன்னுரிமை வழங்கப்பட்டாலும், பல அரசுப் பதவிகள் தகுதியுள்ள வெளிநாட்டினருக்கும் வழங்கப்படுகின்றன. பெரும்பாலான வெளிநாட்டினர் தனியார் துறையில் பணிபுரிந்தாலும், அரசுப் பணிகள் அவற்றின் வேலை பாதுகாப்பு, கட்டமைக்கப்பட்ட தொழில் பாதைகள் மற்றும் மேம்படுத்தப்பட்ட சலுகைகள் காரணமாக அதிக அளவில் விரும்பப்படுகின்றன.

மறுசீரமைப்பு மற்றும் 1.315 பில்லியன் திர்ஹம் ஒருங்கிணைந்த பட்ஜெட்டுடன் ஏழு புதிய நிறுவனங்கள் உருவாக்கப்பட்டதன் காரணமாக, 2026-ல் கூட்டாட்சி அரசாங்கத்தின் காலிப் பணியிடங்கள் 7,842 ஆக உயரும் என்று எதிர்பார்க்கப்படுகிறது. அதே நேரத்தில், செயற்கை நுண்ணறிவு (AI ) துறையானது பணிச்சூழல்களை மறுவடிவமைத்து, டிஜிட்டல், தொழில்நுட்பம் மற்றும் புதிய கண்டுபிடிப்பு சார்ந்த பணிகளுக்கு புதிய தேவையை உருவாக்குகிறது.

துபாயின் அதிகாரப்பூர்வ வேலைவாய்ப்புத் தளமான dubaicareers.ae, அனைத்து நாட்டினருக்கும் திறந்திருக்கும் அரசு காலிப் பணியிடங்களைப் பட்டியலிடுகிறது. அதில், சில பதவிகளுக்கான சம்பளம் மாதம் 40,000 திர்ஹம் வரை நிர்ணயிக்கப்பட்டுள்ளது. வெளிநாட்டவர்களுக்குத் தற்போது திறந்திருக்கும் அரசு வேலை வாய்ப்புகள் பின்வருமாறு கொடுக்கப்பட்டுள்ளது:

1. வீட்டு வசதி மேற்பார்வையாளர் (Housing Supervisor) – துபாய் பெண்கள் மற்றும் குழந்தைகள் அறக்கட்டளை (Dubai Foundation for Women and Children)

• வேலை: துன்புறுத்தலுக்கு ஆளான பெண்கள் மற்றும் குழந்தைகளின் வீட்டு வசதி, மருத்துவத் தேவைகள் மற்றும் தினசரி ஆதரவை நிர்வகித்தல்
• தகுதிகள்: இடைநிலைப் பள்ளி கல்வி; மருத்துவம் அல்லது விருந்தோம்பல் சேவைகளில் (hospitality services) அனுபவம்
• சம்பளம்: 10,000-திர்ஹ்மசிற்கும் கீழ்

நிபுணர் – டிஜிட்டல் சேவைகள் மேம்பாடு (Specialist – Digital Services Development) – சாலைகள் மற்றும் போக்குவரத்து ஆணையம் (RTA)

• வேலை விபரம்: டிஜிட்டல் சேவை திட்டங்கள், அமைப்பு ஒருங்கிணைப்பு மற்றும் UX மேம்பாடுகளை ஒருங்கிணைத்தல்
• தகுதிகள்: தகவல் தொழில்நுட்பம் அல்லது கணினி அறிவியலில் (Bachelor’s in IT/Computer Science) இளங்கலைப் பட்டம்; 5+ வருட அனுபவம்
• சம்பளம்: குறிப்பிடப்படவில்லை

பொறியாளர் – பேருந்து நிலையங்கள் – சாலைகள் மற்றும் போக்குவரத்து ஆணையம் (RTA)

• பணி விபரம்: பணிமனை செயல்பாடுகள், பராமரிப்பு, பாதுகாப்பு மற்றும் பட்ஜெட்டுகளை மேற்பார்வையிடுதல்
• தகுதிகள்: மெக்கானிக்கல் அல்லது தொழில்துறைப் பொறியியலில் இளங்கலைப் பட்டம் (Bachelor’s in Mechanical/Industrial Engineering)
• சம்பளம்: குறிப்பிடப்படவில்லை

சீனியர் பொறியாளர் (Senior Site Engineer) – மடா மீடியா (Mada Media)

• விளம்பர பலகை மற்றும் அடையாளத் திட்டங்கள் (Oversee billboard and signage projects), இணக்கம் மற்றும் தொழில்நுட்ப அறிக்கையிடலை மேற்பார்வையிடுதல்
• தகுதிகள்: சிவில் பொறியியலில் இளங்கலைப் பட்டம், 5–7 ஆண்டுகள் அனுபவம்
• சம்பளம்: 30,001–40,000 திர்ஹம்ஸ்

AV ஆசிரியர் (AV Editor) – துபாய் அரசு ஊடக அலுவலகம்

• வேலை விபரம்: டிஜிட்டல் தளங்கள் மற்றும் நிகழ்வுகளுக்கான வீடியோ மற்றும் புகைப்பட உள்ளடக்கத்தை தயாரித்து திருத்துதல்
• தகுதிகள்: திரைப்படம்/வீடியோ தயாரிப்பு அல்லது காட்சித் தொடர்பியலில் இளங்கலைப் பட்டம், 3 ஆண்டுகளுக்கும் மேலான அனுபவம், அடோப்/ஃபைனல் கட் சாஃப்ட்வேர்களில் தேர்ச்சி (Bachelor’s in Film/Video Production or Visual Communication, 3+ years experience, Adobe/Final Cut proficiency)
• சம்பளம்: 10,001–20,000 திர்ஹம்ஸ்

அவசர மருத்துவ தொழில்நுட்ப வல்லுநர் (EMT) (Emergency Medical Technician (EMT) – DCAS) ஆம்புலன்ஸ் சேவைகளுக்கான துபாய் கார்ப்பரேஷன்

• வேலை விபரம்: மருத்துவமனைக்கு முந்தைய அவசர சிகிச்சை ( pre-hospital emergency care) மற்றும் நோயாளி ஆதரவை வழங்குதல்
• தகுதிகள்: EMS டிப்ளமோ அல்லது செவிலியர் பட்டம், DCAS உரிமம் பெற்றவர், BLS மற்றும் அதிர்ச்சி சிகிச்சைக்கான சான்றிதழ் (EMS diploma or nursing degree, DCAS licensed, BLS & trauma certification) ,2–3 ஆண்டுகள் தொடர்புடைய அனுபவம்.
• சம்பளம்: 10,001–20,000 திர்ஹம்ஸ்

மூத்த பொறியாளர் – பேருந்து நிலையங்கள் – சாலைகள் மற்றும் போக்குவரத்து ஆணையம் (RTA)

• வேலை விபரம்: டிப்போ செயல்பாடுகள், பராமரிப்பு திட்டமிடல் மற்றும் செயல்திறன் கண்காணிப்புக்கு தலைமை தாங்குதல்
• தகுதிகள்: மெக்கானிக்கல்/தொழில்துறை/மின்சார/சிவில் பொறியியலில் இளங்கலைப் பட்டம், 2–5 ஆண்டுகள் அனுபவம்.
• சம்பளம்: குறிப்பிடப்படவில்லை

தலைமை நிபுணர் – (HR Business Affairs) – சாலைகள் மற்றும் போக்குவரத்து ஆணையம் (RTA)

• வேலை விபரம்: மனிதவள திட்டங்கள், தணிக்கைகள், ஒப்பந்தங்கள் மற்றும் மூலோபாய அறிக்கையிடலை நிர்வகித்தல்
• தகுதிகள்: வணிகம்/மனிதவளத்தில் இளங்கலைப் பட்டம், 11+ வருட அனுபவம், வலுவான தலைமைத்துவம் மற்றும் பகுப்பாய்வுத் திறன்கள் (Bachelor’s in Business/HR, 11+ years experience, strong leadership and analytical skills).
• சம்பளம்: குறிப்பிடப்படவில்லை

அமைப்புகள் மற்றும் பயன்பாடுகள் மேம்பாட்டு நிபுணர் (Systems & Applications Development Specialist) (ஹைபரியன்/EPM) – துபாய் நிதித் துறை

• வேலை விபரம்: மத்திய நிதி அமைப்புகள் மற்றும் IT திட்டங்களை உருவாக்கி நிர்வகிக்கவும்
• தகுதிகள்: தகவல் தொழில்நுட்பம் அல்லது தொடர்புடைய துறையில் இளங்கலைப் பட்டம், 8 ஆண்டுகளுக்கும் மேலான அனுபவம் (முதுகலைப் பட்டதாரிகளுக்கு 4 ஆண்டுகள்).
• சம்பளம்: 20,001–30,000 திர்ஹம்ஸ்

நிபுணர் – புதுமை மற்றும் முன்னோடி (Innovation & Pioneering) – சாலைகள் மற்றும் போக்குவரத்து ஆணையம் (RTA)

• புதுமை ஆய்வகங்கள், கூட்டாண்மைகள் மற்றும் சிறந்த திட்டங்களை வழிநடத்துதல்
• தகுதிகள்: வணிகம்/மேலாண்மையில் இளங்கலைப் பட்டம் (Bachelor’s (Master’s preferred) in Business/Management) (முதுகலைப் பட்டம் விரும்பத்தக்கது), 14 ஆண்டுகளுக்கும் மேலான அனுபவம், EFQM, ISO 9001, சிக்ஸ் சிக்மா சான்றிதழ்கள் விரும்பத்தக்கவை.
• சம்பளம்: குறிப்பிடப்படவில்லை.